ដំណើរកំសាន្តក្នុងប្រទេសកម្ពុជា

រម្មណីយដ្ឋាន ភ្នំតាម៉ៅ

ភ្នំតាម៉ៅមានទីតាំងស្ថិតនៅភូមិត្រពាំងសាប ឃុំត្រពាំងសាប ស្រុកបាទី ខេត្តតាកែវ មានចំងាយ ៤០គ.ម តាមផ្លូវជាតិលេខ ២ពីរាជធានីភ្នំពេញ បត់ស្តាំ ៥គ.ម តាមផ្លូវលំ ដោយប្រើរយៈពេលធ្វើដំណើរតាមរថយន្តអស់ ៤៥នាទី។

ភ្នំនេះជារម្មណីយដ្ឋានចំរុះមានប្រាង្គប្រាសាទ ព្រៃភ្នំ ធម្មជាតិ និងជាសួនសត្វដ៏ធំក្នុងប្រទេសកម្ពុជា។ ផ្លូវប្រមាណជា៤០គីឡូម៉ែត្រពីរាជធានីភ្នំពេញធ្វើដំណើរតាមផ្លូវជាតិលេខ២រួចបត់ស្តាំតាមផ្លូវលំចម្ងាយ៥គីឡូម៉ែត្រទៀតនោះយើងនឹងបានមកដល់ទីនេះជាក់ជាមិនខាន។ តំបន់ភ្នំតាម៉ៅគ្របដណ្តប់ដោយផ្ទៃដីប្រមាណ ២៥០០ហិកតាដែលគេឲ្យឈ្មោះថា តំបន់ផ្ទៃដីការពារព្រៃឈើ។ ក្នុងចំណោមផ្ទៃដី២៥០០ហិកតានេាះគឺមានផ្ទៃដីចំនួន១២០០ហិកតាត្រូវបាននាយកដ្ឋានរុក្ខាប្រមាញ់រៀបចំដាំដើមឈើ និងរៀបចំជាសួនសត្វដែលមានផ្ទៃដី៧០ហិកតារួមមានភ្នំចំនួន៥គឺ ភ្នំតាម៉ៅ ភ្នំថ្មដុះ ភ្នំផ្តៅពន្ធ ភ្នំឆយ ភ្នំបាំងហើយក្នុងចំណោមភ្នំទាំង៥ខាងលើមានភ្នំ២ដែលមានប្រាសាទបុរាណគឺភ្នំតាម៉ៅនិងភ្នំថ្មដុះ។

ក្រៅពីនេះ តំបន់សួនសត្វភ្នំតាម៉ៅមានសត្វគ្រប់ប្រភេទចំនួន៩៤ប្រភេទ ដែល២ប្រភេទត្រូវ បាននាំមកពីបរទេស ថនិកសត្វ មានសត្វស្លាប សត្វល្មូន៩៣ប្រភេទ និងខ្លាឃ្មុំមានការកើន ឡើង១២៤ក្បាលភាគច្រើនសត្វទាំងនេះត្រូវបានប្រមូលទិញដោយក្រសួងកសិកម្ម និងចាប់ បានពីជនល្មើសដែលរកស៊ីសត្វព្រៃខុសច្បាប់ទូទាំងប្រទេស។

ខេត្តកំពង់ចាមជាកន្លែងទេសចរណ៍យ៉ាងសំខាន់

កំពង់ចាម៖ជារៀងរាល់ថ្ងៃភ្ញៀវទេសចរណ៍ជាតិនិងអន្តរជាតិ បានចាត់ទុកខេត្តកំពង់ចាមជាខេត្តគោលដៅមួយសម្រាប់កន្លែងទស្សនា សម្រាកនិងលំហែរកាយទៅតាមពេលវេលាសមស្របមួយ ហើយកំណើនភ្ញៀវទេសចរណ៍ជាតិ និអន្តរជាតិក៏មានការកើនឡើង និងបានបង្កើតឱកាសការងារ និងការរកស៊ីជូនដល់បងប្អូនប្រជាពលរដ្ឋបានយ៉ាងច្រើនផងដែរ។

ជាមួយគ្នានេះក្រៅពីភ្ញៀវជាតិ ក៏សង្កេតឃើញថា មានភ្ញៀវទេសចរណ៍បរទេសក៏បានចូលមកខេត្តកំពង់ចាមតាមរយៈកាប៉ាល់ទេសចរណ៍ធំៗរបស់ក្រុមហ៊ុនបរទេសជាច្រើនគ្រឿង បានចូលចតជាបន្តបន្ទាប់។

បើតាមអ្នកបកប្រែ និងជាអ្នកនាំផ្លូវទេសចរណ៍បានឲ្យដឹងថា ភ្ញៀវទេសចរណ៍ចំរុះជាតិសាសគឺបានធ្វើដំណើរចេញពីប្រទេសវៀតណាមតាមរយៈកាប៉ាល់ធំៗតាមដងទន្លេមេគង្គចូលមកកាន់ទឹកដីខេត្តកំពង់ចាម ដើម្បីទស្សនាទិដ្ឋភាពនៅតាមរមណីយដ្ឋានទេសចរណ៍នានានៅក្នុងខេត្តកំពង់ចាមរយះ៣ទៅ៤ថ្ងៃ រួចនឹងបន្តដំណើរតាមរយៈរថយន្តទេសចរណ៍ដើម្បីទៅទស្សនាប្រាសាទអង្គរវត្តនៅលើទឹកដីខេត្តសៀមរាបមុនពេលដែលត្រឡប់ទៅប្រទេសកំណើតវិញ។ក្នុងចំណោមភ្ញៀវទេសចរណ៍បរទេសទាំងនោះភាគច្រើនមានវ័យចំណាស់ដែលមកពីប្រទេសសហរដ្ឋអាមេរិក កាណាដា អូស្រាលី ចិន ជប៉ុន និងបណ្តាប្រទេសមួយចំនួនទៀតនៅលើសកលលោក។

បើយោងតាមរបាយការណ៍របស់មន្ទីរទេសចរណ៍ខេត្តកំពង់ចាមបញ្ជាក់ថា នៅក្នុងរយៈពេល៦ខែដើមឆ្នាំ២០១៨នេះមានភ្ញៀវទេសចរណ៍មកទស្សនាកំសាន្តក្នុងខេត្តកំពង់ចាមមានចំនួនសរុប២៨២,៤២៦នាក់ ចំនួននេះមានការកើនឡើងចំនួនសរុប៣៩%បើប្រៀបធៀបទៅនឹងឆ្នាំកន្លងទៅ។ ហើយក្នុងនោះភ្ញៀវជាតិមានចំនួន២៧៤,១៤៨នាក់ មានការកើនឡើងចំនួន៤០% រីឯភ្ញៀវអន្តរជាតិមានចំនួនចំនួនថេរ។ ទន្ទឹមនេះដែរសណ្ឋាគារ ផ្ទះសំណាក់ ភោជនីយដ្ឋានសម្រាប់ភ្ញៀវទេសចរណ៍ជាតិនិងអន្តរជាតិដែលបានមានសម្រាក និងទទួលទានក៏មានការកើនឡើងជាងឆ្នាំមុនផងដែរ។

សូមបញ្ជាក់ថានៅក្នុងខេត្តកំពង់ចាមមានតំបន់ទេសចរណ៍ចំនួន១០កន្លែងក្នុងនោះរម្មណីដ្ឋានវប្បធម៌ប្រវត្តិសាស្រ្តមាន០៤កន្លែង រម្មណីយដ្ឋានបែបធម្មជាតិ០៤កន្លែង និងរម្មណីយដ្ឋានកែឆ្នៃមាន២កន្លែង។

រមណីយដ្ឋាន ភ្នំជីសូរ

ភ្នំជីសូរគឺជាភ្នំមួយ និងជាកន្លែងប្រវតិ្តសាស្រ្តមួយដែលស្ថិតក្នុងភូមិស្លាឃុំរវៀងស្រុកសំរោងខេត្តតាកែវ។ ដែលមានចំងាយប្រហែល ៦២ គីឡូម៉ែតខាងត្បូងរាជធានីភ្នំពេញ ឬ ២៧ គីឡូម៉ែតខាងជើងទីរួមខេត្តតាកែវ។ ដើម្បីទៅដល់ទីនោះ បើយើងមកពីភ្នំពេញ ត្រូវមកតាមផ្លូវជាតិលេខ២ កាត់តាមស្រុកបាទី និង ប្រាសាទនាងខ្មៅ។ បត់ស្តាំត្រង់ផ្លាកសញ្ញា និង កាត់តាមផ្លូវលំដែលមានដីហុយ៥ គីឡូម៉ែត។ ភ្នំជីសូរ គឺមានកំពស់១៣០ម៉ែត។ ប្រាសាទភ្នំជីសូរគឺត្រូបានកសាងមុនសតវត្សទី១១ដោយព្រះបាទសូរ្យវរ្មន័ទី២(១០០២ -១០៥០) វាមានបណ្តោយ៦០ម៉ែត និងទទឹង៥០ម៉ែត ។ប្រាសាទត្រូវបានហ៊ុមពទ្ធ័ដោយថែវ ២។ថែវទី១មានប្រវែង៦០ម៉ែត និង ថែវទី២តូចជាងពាក់កណ្ដាលដែលមានកន្លែងសក្ការ:ដ៏សំខាន់ ជាមួយទ្វារពីរ និង រូបចំលាក់ឈើ។ មានធ្នឹមនិងសសរដ៏ស្រស់ស្អាត់។

វត្តអារាមឆើតឆាយរាតត្បាតនិងទិដ្ឋភាពដ៏សំបូរបែបទីក្រុងភ្នំពេញគឺជាទីក្រុងដែលត្រូវមើលឃើញនៅអាស៊ីអាគ្នេយ៍។ ដោយមានជំនួយពីមគ្គុទ្ទេសក៍ក្នុងស្រុកសូមទទួលបាននូវការយល់ដឹងដ៏ទូលំទូលាយអំពីភាពអស្ចារ្យនៃរាជធានីនៃប្រទេសកម្ពុជានៅក្នុងដំណើរទស្សនកិច្ចពាក់កណ្តាលថ្ងៃនេះ។

ចាប់ផ្តើមថ្ងៃរបស់អ្នកជាមួយដំណើរទស្សនកិច្ចទៅកាន់ព្រះរាជវាំងដ៏សម្បូរបែបដែលជាផ្ទះគ្រួសាររាជវង្សនៃប្រទេសកម្ពុជានិងជានិមិត្តរូបនៃប្រទេសជាតិ។ មានភាពល្បីល្បាញដោយសារភាពរុងរឿងនិងរចនាដ៏ស្រស់ស្អាតរបស់វាវាជាទីតាំងសម្គាល់សំខាន់បំផុតមួយនៃប្រទេសកម្ពុជា។ បន្ទាប់មកកោតសរសើរដល់វត្តប្រាក់ដែលជាលំនៅរបស់ព្រះពុទ្ធមួយដែលគ្របដណ្ដប់ដោយត្បូងពេជ្រចំនួន 9.584 និងប្រាសាទព្រះពរជាមួយនឹងសួនច្បារដ៏ស្អាត។ បំណែករូបសម្បត្តិទាំងនេះនៃស្ថាបត្យកម្មខ្មែរគឺជាវិធីដ៏ល្អមួយដើម្បីរៀនអំពីប្រវត្តិសាស្រ្តរបស់ស្តេចកម្ពុជា។

ចំណុចចុងក្រោយរបស់អ្នកគឺនៅវត្តភ្នំដែលជាប្រាសាទពុទ្ធសាសនិកដែលខ្ពស់ជាងគេនៅក្នុងទីក្រុង។ ស្ថិតនៅកណ្តាលរាជធានីភ្នំពេញវត្តភ្នំគឺជាមជ្ឈមណ្ឌលនៃការប្រារព្ធពិធីបុណ្យចូលឆ្នាំខ្មែរនិងបុណ្យភ្ជុំបិណ្ឌដែលជាពិធីសាសនារយៈពេល 15 ថ្ងៃ។ វង្វេងជុំវិញបរិវេណ, ដែលជាកន្លែងដែលអ្នកអាចរកឃើញចេតិយជាច្រើន, រូបចំលាក់, និងគំនូរដែលបង្ហាញ

រមណីយដ្ឋានទឹកធ្លាក់ភ្នំខៀវ

ខេត្តប៉ៃលិនគឺជាខេត្តតូចមួយដែលជាប់ព្រំដែន ប្រទេសថៃ នៅប៉ែកពាយ័ព្យនៃ ព្រះរាជាណាច ក្រកម្ពុជា។យើងអាចធ្វើដំណើរពីរាជធានីភ្នំពេញតាមរយៈផ្លូវលេខ៥ និងលេខ ៥៧ ប្រមាណជា ៣៩១គម។តំបន់ទេសចរណ៍ក្នុងខេត្តនេះមានដូចជា៖រមណីយដ្ឋានភ្នំយ៉ាតនិង ទឹកធ្លាក់ភ្នំខៀវ។

រមណីយដ្ឋានតេទឹកពុះដែលមានអាងទឹកក្ដៅធម្មជាតិកម្ដៅប្រមាណ ៧០ អង្សាបញ្ចេញផ្សែងហុយៗ។

រមណីយដ្ឋានធម្មជាតិបែបកែច្នៃតេទឹកពុះស្ថិតក្នុងភូមិកោដូនតី ឃុំសង្កែសាទប ស្រុកឱរ៉ាល់ ខេត្ដកំពង់ស្ពឺ ចម្ងាយប្រមាណ ៧០ គីឡូម៉ែត្រពីទីរួមខេត្ដកំពង់ស្ពឺ ឬប្រមាណ ១១០ គីឡូម៉ែត្រពីរាជធានីភ្នំពេញ។

ភ្ញៀវទេសចរមួយចំនួនធ្លាប់បានសម្ដែងការបារម្ភថាមិនយូរប៉ុន្មានទៀតតេទឹកពុះនេះនឹងត្រូវបានអភិវឌ្ឍហើយពួកគេលែងមានឱកាសបានចូលមើលទឹកពុះធម្មជាតិ និងបានចុះត្រាំជើងដោយសេរីមិនបាច់បង់ប្រាក់ទៀតហើយ។

សព្វថ្ងៃនេះទីកន្លែងទឹកផុសដែលពុះហុយផ្សែងជះក្លិនដូចថ្មស្អុយត្រូវបានក្រាលកម្រាលថ្មបេតុងជុំវិញដោយទុកប្រឡោះចង្អូរបង្ហូរទឹកក្ដៅឧណ្ហៗហូរចាក់តាមប្រឡាយតូចយ៉ាងមានរបៀបត្រឹមត្រូវ។

អមតាមប្រឡាយតូចនោះកៅអីវែងត្រូវបានដាក់តម្រៀបគ្នាដែលទំនងជាសម្រាប់ភ្ញៀវមកកម្សាន្ដចុះត្រាំជើងលើទឹកពុះធម្មជាតិដើម្បីបំបាត់អាការផ្ដាសាយជាដើម។

ប៉ុន្ដែ គម្រោងអភិវឌ្ឍន៍ជារមណីយដ្ឋានទេសចរណ៍សម្រាប់ភ្ញៀវជាតិ និងអន្ដរជាតិមកកម្សាន្ដ និងបានមកងូតទឹករ៉ែធម្មជាតិស្ប៉ា ឬស្ទីមជាមួយនឹងទឹកផុសពុះពីធម្មជាតិដ៏ពេញនិយមរបស់ជនជាតិជប៉ុន កូរ៉េ និងចិនត្រូវបានរលាយខ្សុលដូចអំបិលត្រូវទឹកហើយក្ដីកង្វល់របស់ភ្ញៀវក្នុងស្រុកដែលមានជីវភាពមិនសម្បូរធូរធារក៏លែងរអានឹងរូបភាពនៃគម្រោងដ៏មហិមានោះទេហើយ។

អ្នកមកលេងកម្សាន្តនាំគ្នាត្រាំជើងក្នុងទឹកក្ដៅឧណ្ណៗធម្មជាតិ។ ផា លីណា

ហើយក៏មានក្រុមហ៊ុនចិនបានលើកប៉ាណូរូបភាពសំណង់អគារធំៗនៅក្បែរច្រកចូលរមណីយដ្ឋានតេទឹកពុះដោយមានគម្រោងអភិវឌ្ឍន៍ទៅជាទីក្រុងរណប។ វាជាសញ្ញាប្រាប់ដល់ភ្ញៀវទេសចរដែលធ្លាប់ទៅកម្សាន្ដនៅបាតុភូតទឹកពុះថាពេលវេលាកម្សាន្ដបែបសាធារណៈនៅក្នុងបរិស្ថានធម្មជាតិព័ទ្ធដោយរុក្ខជាតិតូចធំជុំវិញនេះនឹងត្រូវជំនួសមកវិញនូវសំណង់អគារទីក្រុងដ៏មហិមាវិញ។

ប៉ុន្ដែពេលវេលានៃការទន្ទឹងរង់ចាំចង់ឃើញអគារប្រណីតដុះសម្ញែញខ្លួនកណ្ដាលព្រៃព្រឹក្សាហាក់គ្រាន់តែជាសុបិនរសាត់កាត់ភ្នែកប៉ុណ្ណោះ។ ជាលទ្ធផលរយៈពេលជាច្រើនឆ្នាំមកនេះក្រុមហ៊ុនចិនដែលមិនបានធ្វើការអភិវឌ្ឍអ្វីសោះនោះត្រូវបានរាជរដ្ឋាភិបាលដកអាជ្ញាប័ណ្ណ និងប្រគល់ទៅឲ្យក្រុមហ៊ុនថ្មីមួយទៀត។រមណីយដ្ឋាននេះក៏ជារមណីបែបបុរាណវិទ្យាផងដែរ។

ដំណើរកំសាន្តក្នុងប្រទេសកម្ពុជា

Menu

រម្មណីយដ្ឋាន ភ្នំតាម៉ៅ

ខេត្តកំពង់ចាមជាកន្លែងទេសចរណ៍យ៉ាងសំខាន់

រមណីយដ្ឋាន ភ្នំជីសូរ

Tours in phnom penh cambodia

រមណីយដ្ឋានទឹកធ្លាក់ភ្នំខៀវ

រមណីយដ្ឋានទេទឹកពុះ